Ka pasur një reagim të menjëhershëm të instancave pas aksidentit të autobusit urban që ra në Lanë.

Kryebashkiaku i Tiranës Erion Veliaj ka mbërritur në vendin e ngjarjes.

Në një deklaratë për mediat, Veliaj theksoi se me verifikimet e kryera deri tani, shoferët nuk kishin konsumuar alkool ndërsa shkak mendohet të ketë qenë trafiku i rënduar.

“Jemi në zonën pranë pallateve ‘Agimi’, është aksident i pafat por lajmi i mirë është se ka të lënduar lehtë. Të dy drejtuesit e mjeteve nuk kanë konsumuar alkool, sot ka pasur shumë trafik dhe aktivitete. Pjesa e dramës njerëzore mbaron këtu përderisa nuk ka të dëmtuar rëndë. Të lëmë profesionistët e policisë, zjarrfikëses dhe inxhinierët të merren me aksidentin, sot ka vetëm hekurishte këtu. Dua të falenderoj policinë e shtetit që ndihmuan dy djemtë të dilnin nga makina. Kur shtojmë kuriozitetin për dy copa hekurishtet e ngadalësojmë më shumë trafikun dhe nëse do na ndihmoni që të inkurajohemi që të ketë lëvizshmëri do e vlerësoja shumë. Jeta e njerëzve më e rendësishmja, zoti na ndihmoi!”, ka thënë Veliaj.